Situs Porno, RUU ITE

8 April 2008 pukul 11:19 | Ditulis dalam curhat | 5 Komentar

He….he…..he…….
Enake ngguyu dhisik wae, he……he…….he……..
Wingi-wingi arep nulis iki malah kelalen, dadi lagi saiki aku nulis ing kene.
Esok-esok pas nyapu latar omahku, tonggoku sisih wetan omah sing wis mbah-mbah moro nyedhak nyang aku. Karo sajak polos ngono takon nyang aku,
mas…. mas, situs porno niku nopo to?
Aku kaget semu nggumun…….
Wonten nopo to mbah kok panjenengan tanglet perkawis kados mekaten? Ngaten lho mas, kok wonten tipi kolo wingi enten brita ngoten niku, trus lare-lare nem-neman ten prapatan kok sajak gayeng anggenipun rembagan bab situs porno niku lho…….kulo dados kepingin ngertos perkawis nopo niku…..
Wis, aku njur crito sak ngertiku bab koyo mengkono iku miturut “tingkat intelektualitas dan kepolosan” mbah iku mau. Omong-omong rampung wis, ning isih ninggal perkoro neng atiku……
Lha iyo, mbah-mbahe awake dhewe iki ing jaman semono tekan saiki malah ra ngerti perkoro situs porno. Wit cilik nganti tuwo yo tetep ra ngerti….. nanging kanthi “ora ngertine” mbah-mbahe kuwi malah marakne slamete mbah-mbahe awake dhewe. Slamet soko bab olo opo wae, wiwit perkoro cilik neng pribadine nganti tekan perkoro gedhe ing masyarakat lan negorone.
Aku isih eling jaman cilikanku, aku biasa dolan ndherek mbah kakungku tindak menyang ngendi wae. Eh… mbahku akeh kenalane. Semanak-semanak, sayuk rukun, ora ono roso serik lan sujono. Ono perkoro opo wae dirembug kanthi kepenak. Blak-blakan ning sopan…..
Sing yo isih tak elingi ki neng desoku durung ono tipi. Onone gur neng kecamatan. Tipine pak camat ngono diwadhahi kothak trus dicagaki lan dipasang neng pelataran kantor kecamatan. Nek masyarakat arep nonton kudu lungguh tertib koyo cah tk antri mulih, anteng-antengan sik…… lha wis ngono, acarane gur sak macem thok, tipiri (diwoco: TVRI). Acarane bongso pembangunan bongso lan negoro, sandiworo daerah, film kartun scoby-doo, berita daerah karo berita nusantara karo dunia dalam berita. Ngono kuwi. Upomo ono iklan mung sithik, tur wis wengi……. nek ra kleru, acarane dijenengne siaran niaga….. bar dunia dalam berita. Yo wis ngono kuwi thok, dadi tipi wae gur siji, opo maneh kok komputer, keporo internet sisan. Ra kebayang…..
Ning tenan, aku sok-sok kangen kahanan koyo mengkono iku. Rasane ayem tentrem, nyenengake ngono lho….
Lha saiki………….
Nalikane opo-opo wis cepak, opo-opo sarwo kepenak, kepinginan gampang keturutan, bla….bla….bla…. malah dadine koyo ngene iki.
Ing saben omah koyo-koyo wajib tipi. Alesane dinggo saluran informasi. Tenane………. alesane dinggo sarana pendidikan. Tenane…….(maneh). Wong acara tipi ngono prasasat malah akeh sing ra nggenah. Pamer kesugihan, pamer kesyirikan, pamer aurot, pamer-pamer opo-opo. Sinetron yo akehe pamer keluwargo sugih ning bubrah, onone mung udur antarane bopo, ibu, anak lan tonggone…. sing jare sinetron islam yo malah dinggo ngajari bab syirik lan tahayul, khurofat. Kyai gur dadi tukang ngusir jin, setan, lan koncone…. Film? Lha wong film ayat-ayat cinta sing jare film islam wae malah ra karuan isine ngono….(jare sing nulis bukune dadi susah, sabar nggih mas Habib-podho jenengku- ning tetep ikhtiar pripun niku, isine film enten sing nyesatke ummat lho). Iklan? Malah tambah parah…!!! Opo wae ndadak nganggo waong wadon sing nyuwun sewu, ndadak pamer awake… nganti iklan oli wae kok ono wong wadone, opo hubungane ngono kuwi, ora ono liyo kejobo malah pelecehan tumrape martabat lan kehormatane wong wadon. Sing aneh malah wong wadone seneng nggone nglakoni, rebutan nggone nyalonke awake dadi binatang iklan…. masya Allah wa na’udzubillahi min syarri dzalika…..
Liyane tipi, saiki ki saben wong koyone yo wis wajib hape, nganti cah cilik-cilik sing isih sekolah lan durung iso golek dhuwit dhewe kuwi cekelane yo hape. Wong-wong kutho sajak gawe alesan ben iso nggo ngawasi anake, dinggo ngontrol kegiatane anake, dinggo njogo hubungan emosional wong tuwo karo anake. Tenane…..Gek hapene sing anyar-anyar, fiture komplit, wiwit bluetooth, wifi, layar 16 juta warna ben kempling gambare tur touchscreen sisan ben gambare iso “memberi reaksi ketika disentuh oleh jari”, suarane stereo 3D sisan ben suarane merdu… built in camera ben iso moto karo gawe video dhewe, memori gedhe ben iso dinggo ngadhahi opo-opo, built in tv, gprs, video call, hsdpa lan macem-macem maneh nganti aku kleru nyebute. Arep dinggo opo fiture koyo ngono kuwi……. saking bingunge ki sok-sok malah dadi ra nggenah. Ono koncoku sing dadi guru ning salah sawijine sekolah neng kotaku kene ngenekake razia hape neng sekolahane kono. Masya Allah, prasasat hapene murid-murid ono gambar porno karo video mesum. Hape ora nggo komunikasi malah nggo gawe dosa………..
Dhuh Gusti……
Trus komputer karo internet, wis iki jan ngedap-edapi tenan. Kakehan le crito ki….
Aku eling maneh karo mbah tonggoku mau….. trus ngudoroso dhewe aku dadine. Sajake awake dhewe iki sajak seneng kesusu. Selak kepingin weruh lan ngrasakake opo-opo nganti ra kober mangerteni perkoro opo kuwi…. Dadi karepe gedhe ning kurang dugo, koyo ujare wong tuwo, keladuk wani kurang dugo. Keporo sangune ono tur turah, sebab le golek dhuwit pancen gampang. Mbiyen Nabi wis ngendika menowo panjenengane ora khawatir tumrape wong-wong islam nalikane uripe pas-pasan, ning malah Nabi khawatir menowo khoza’inul ardh iki wis dibuka dening Allah, bondho dadi gampang olehe nggoleki. Wong dadi sugih-sugih (sing pulunge sugih ki….)
Saiki giliran RUU ITE yo….
Yen aku moco nyang internet kae, yo mbuh yo bahasane kedhuwuren ya’e kanggoku, dadi aku malah ra pati mudheng. Ning sing tak rasakne, sajake kurang jero anggone ngatur. Kanggoku, saben-saben perkoro iku ono sisi dlohir lan batine….
Lha sing ditulis neng RUU ITE sing jare wis disahke kuwi, mung gawe angger-angger lan paukuman kanggo sing nerjang angger-angger mau, ning ora ngajari marang rakyat iki piye ben ora nganti nerjang wewaler. Jare wong kutho, hanya menyentuh permukaan saja, tidak sampai kepada hakikat kenapa diadakan aturan seperti itu. Kamongko yen wong ki wis ngerti hakikate perkoro, ra sah dikon bakal mangkat dhewe, ra sah dilarang wis mandheg dhewe.

Iklan

5 Komentar »

RSS feed for comments on this post. TrackBack URI

  1. Mas, lha niku malih, wonten daerah Batu Malang, para pramupijat (nggih gampangipun wanita pemijat makaten lah), dipun kedahaken menggunakan celana dan rok yang digembok. Alesanipun supados boten gampil dipun bikak kalihan pelanggan – utawi pramupijatipun piyambak.

    Meh sami nggih, namung mikir pageripun, nanging mboten mikir kados pundi supados jaranipun mboten pijer kepengin mlajar.

  2. Walah…..walah….. kulo malah emut critanipun poro permaisuri raja Jawa jaman kolomben. Menawi ingkang sinuwun tindakan radi dangu, poro istri kolo wau kedah ngagem “cd” ingkang pun gembok lajeng kuncinipun dipun asto ingkang sinuwun. Kulo trus radi bingung, pripun nggih menawi poro istri kolowau ngersakaken tindak wingking?

  3. ah aha kokolo muse muvljm;”kilu mkljd’;
    l;;llklk;l’retuhcinta berkataa bawa

  4. IBU DITA .(Karyawan) terimah kasih banyak Aki atas bantuanya anka ghoib AKI RANGGONG benar-benar tembus mohon maaf AKI ini pengalaman saya…waktu itu saya pernah minta bantuan pada seseorang yang mengaku pintar meramal angka toto…dan saya harus belajar untuk mendapatkan angkanya sampai saya hutang sana sini tapi apa yang terjadi angka yang saya terimah ngak ada yang keluar manpus dalam hati kecil saya….dimana saya harus bayar hutan yang terlanjur menumpuk…hingga akhirnya saya di kasih inpo teman untuk menjadi member AKI RANGGONG hasil angka ritual ghoib yang di kasih AKI kirim ternyata jitu…akhirnya terbayar hutang saya ini dan saya Membeli 8 unit rumah di Karawang, Tanah Kavling, dan franchise minimarket .hanya sekedar pengalam saya…untuk yang mau mencoba angka ghoib dari AKI RANGGONG silahkan hub/sms di nomor ( 085-222-967-279 ) ngak usah ragu-ragu…karna saya sudah merasakanya..terimah kasih AKI RANGGONG..salam bahagia…!!!

  5. Having read this I believed it was extremely enlightening.
    I appreciate you spending some time and energy to put this short article together.
    I once again find myself personally spending way too much time both reading and posting comments.
    But so what, it was still worth it!


Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s


Entries dan komentar feeds.

%d blogger menyukai ini: